Շնորհավոր տոնդ, ազատամարտիկ

 

 1990թ. սեպտեմբերի 20-ին ՆԳ-ին առընթեր ձևավորվեց Հատուկ գունդը: Հանրապետության տարբեր շրջաններում կազմավորվում էին վաշտեր: Հատուկ գունդն իր հաղթական ուղին անցավ մեծագույն փորձություններով: Մարտերն ամենուր էին՝ Լաչին, Քելբաջար, Մարտակերտ, Կուբաթլու և տարբեր շրջաններ:

    Տղաները կռվում էին անձնվիրաբար, ինքնամոռաց. հող հայրենին վտանգված էր: Նժդեհի արժանի հետևորդներն էին. ամեն ինչից վեր էին դասում հայրենիքի շահը:

    Այսօր հաղթական ու փառապանծ գնդի վետերանները, նշում են իրենց գնդի կազմավորման 23 ամյակը: Դժվարին ճանապարհը լի է թե՛ տխուր և թե՛ ուրախ հիշողություններով: Մարտական ընկերներից շատերը դարձել են կենդանի հիշողություն: Ազգի արժանավոր զավակները տոնում են իրենց ազատատենչ ոգու հաղթանակը:

   Թվում է, թե ժամանակները և համապատասխան մի շարք մարմիններ փոքր-ինչ մոռացության են տվել ազատամարտիկներին՝ այն մարդկանց, որոնց արյամբ ու կյանքի մեծ նվիրաբերումով է ձեռք բերվել դժվարին հաղթանակը: Այսօրվա Հայաստանի կայացման ու բարգավաճման համար մենք պարտավոր ենք նրանց:

   Փառք ու պատիվ Ձեզ, Հատուկ գնդի հայրենանվեր ու խիզախ ազատամարտիկներ: Ձեր գործը սուրբ է ու անմահ:

   Մենք մեր խորին երախտագիտությունն ենք հայտնում Ձեզ՝  հայրենիքի նվիրյալներ ...